Мон соин пумиськи. Элегия

I

Сӥзьыл мон соин пумиськи‚
Тодматски…
Тэльын‚ каллен ӵаштыртыса‚
Ваче куспазы оломар вераськыса‚
Ӵуж куаръёс куашказы…
Милемыз‚ ӵошен ӟыгырскыса‚
Пумтэм вераськыса пукыкумы‚
Ӵуж шобретэн шобыръязы…

II

Люкиським…

III

Туэ нош ик лобало‚
Ӵуж куаръёс куашкало.
Ӵаштырто‚ верасько‚
Коверен кадь, музъемез шобыръяло…
Мон огнам…
Сылӥсько‚ лулӟылӥсько…
Оло куректӥсько‚ оло мӧзмисько —
Ачим но уг валаськы‚
Уг тодӥськы.

Это стихотворение на русском https://kuzebaj-gerd.ru/?p=66

Добавить комментарий

Ваш e-mail не будет опубликован. Обязательные поля помечены *