Черсон

Азьлон мынам мемие
Уйбыт пукоз вал черсса‚
Монэ‚ пичи нуныез‚
Выжыкылэн лӥятса.

Каллен‚ черсон бергамъя‚
Тыл кадь кылъёс со вераз‚
Мынам сюлмам кылзэмъям
Кужым ватӥз со шораз…

Пересьмиз меми‚ кулӥз‚
Кылбурзэ сьӧраз нуса‚
Черсонэз огназ кылиз
Сэргы‚ чалмъгт сылыса…

Со интые табере
Мон кырӟасько-пукиськӧ
Тыл кадь кылъёс со бере
Мон дугдылтэк черсӥсько.

Зӥр гинэ черсон берга‚
Коркаез со шулдыртэ‚
Черсэм кылме уг туга‚
Лачмыт бине‚ позыртэ;

Мемиелэн кылъёсыз
Тыл кадь, нош сяськаясько‚
Верам‚ кырӟам гуръёсыз
Тюрагай кадь бурдъясько!..

Добавить комментарий

Ваш e-mail не будет опубликован. Обязательные поля помечены *